१२ पुस । फिल्म ‘डिग्री माइला एमए थ्रड क्लास’ को फस्टलुक पोस्टर सार्वजनिक भएको छ। पोस्टरमा फिल्मका मुख्य कलाकार दयाहाङको क्यारेक्टर लुकलाई देख्न सकिन्छ।
पहिलोपटक दयाहाङको लुक सार्वजनिक गरिएको हो। ‘किन चाउरियो मरिच, आफ्नै रागले’ क्याप्सन लेखिएको पोस्टरमा दयाहाङ गम्भीर अवतारमा देखिएका छन्।
रामबाबु गुरुङ निर्देशित यस फिल्ममा दयाहाङका साथै आँचल शर्मा, विजय बराल, बुद्धि तामाङ, माओत्से गुरुङ लगायतको अभिनय छ।
बाँसुरी फिल्मस् प्रस्तुति रहेको यो फिल्मका केही दृश्यहरु छायाङ्कन गर्न बाँकी छ। शुष्मा प्रोड्कसनको सहकार्य समेत रहेको यो फिल्म २०८१ को नयाँ वर्षको अवसरमा रिलिज गर्ने आयोजकको तयारी छ।
प्रतिक्रिया