चलचित्र ‘दुखी आत्मा’मा दयाहाङ राईको जोडी आँचल शर्मा

१५ माघ । चलचित्र ‘दुखी आत्मा’मा दयाहाङ राईको जोडीका रूपमा आँचल शर्मा अनुबन्धित भएकी छिन् । उनलाई चलचित्रमा अनुबन्धित गरिएको निर्देशक दिपेन्द्र लामाले जानकारी दिएका छन् । चलचित्रको निर्माण हिमाल कडरिया गर्नेछन् भने लेखन र निर्देशन दिपेन्द्र लामाको रहेको छ ।
चलचित्रको वितरण आरआर फिल्म्स्ले लिएको छ ।
यो चलचित्रमा यसअघि नै नायक दयाहाङ राई अनुबन्धित भइसकेका छन् । दया र आँचलले यसअघि चलचित्र ‘डिग्री माइला’मा काम गरिसकेका छन् ।
निर्देशक लामा र निर्माता कडरियाले निर्माण गरेको ‘नाङ्गो गाउँ’ चलचित्र सफल बनेको थियो । यसै टिमले नाङ्गो गाउँको सिक्वेल ‘नाङ्गो गाउँ २’को घोषणा गरिसकेका छन् ।
कमेडी जनरामा निर्माण हुने यस चलचित्र राजधानी वरपर नै छायाँकन गरिने निर्माण पक्षले जनाकारी दिएको छ । चलचित्र चैत्र महिनामा छायाँकन गरिने बताइएको छ ।