भारतीय मोडल पुनमले आफ्नो मृत्यु झूटो खबर फैलाएपछि चर्को आलोचना

मुम्बई
२० माघ । भारतीय मोडल तथा अभिनेत्री पूनम पाण्डेले इन्स्टाग्राममार्फत आफ्नो मृत्यु भएको खबर शुक्रबार सार्वजनिक भयो । धेरैले घटना झूटो भएको आकलन गरे ।
उनको मृत्युबारे खबर सार्वजनिक नभएपछि शनिबारसम्म शंका थप बलियो बन्यो । उनकै इन्स्टाग्राममा पुन उनको मृत्युको खबर झुटो भएको भन्दै मोडल पाण्डे बोलेपछि उनका समर्थक आक्रोसित बनेको खबर छ ।
भिडियोमा आफ्नो मृत्यु भएको झूटो खबर आफैले फौलाएको बताएपछि उनको चर्को आलोचना भएको छ ।

भिडियोमा उनी पूर्णतया स्वस्थ देखिएकी छिन् । उनले पाठेघरको मुखको क्यान्सरबारे जनचेतना जगाउन आफ्नो मृत्युको झूटो खबर सार्वजनिक गरेको बताएकी छिन् । उनले भनेकी छिन्, ‘म अझै जिउँदै छु, मरेको छैन । पाठेघरको मुखको क्यान्सरकाबारे जनचेतना फैलाउन झूटो खबर सार्वजनिक गरेकी हुँ ।’

पाठेघरको क्यान्सबाट बच्न महिलाले एचपीभी भ्याक्सिन मात्रै परीक्षण गराउनु पर्ने र यस्का जनचेतनका लागि आफूले आफ्नै मृत्युको खबर फैलाएको भिडियोमार्फत जानकारी दिएकी छिन् ।