अभिनेत्री उषाको चुरीफुरी, केकी र प्रियकालाई दिएनन् भाउ

२६ माघ । राजधानीमा आयोजित चलचित्र दयारानीको प्रिमियरमा थुप्रै कलाकारहरुको भीड थियो । त्यही भीडमा मिसिन अभिनेत्री उषा रजक पनि आइपुगिन् ।
चलचित्रको प्रिमियरमा अभिनेत्रीहरुबीचको फाटो कतिसम्म छ भन्ने दृश्य देखिएको थियो ।

भीडमा अभिनेत्री रजकको हाउभाउ र चुरीफुरी हेर्नलायक थियो । उनी भीडमा एक्कै भौतारिरहेकी थिइन् । हुन त कार्यक्रममा उनका सहकर्मी अभिनेत्री केकी अधिकारी, प्रियाका कार्की, शिल्पा मास्केलगायत सहभागी थिए । उनी यी अभिनेत्रीहरुसँग हाइ हेल्लो त गरिन् तर सँगै बसिनन् ।
उनी चलचित्रको रिभ्यु दिने बेलामा हत्तारिएको जस्तो देखिन्थिन् । सञ्चारकर्मीसँग छिटो छिटो बोल्दै निस्किन्थिन् । अनि बुम बोकेको अर्का संचारकर्मीसँग बोल्न पुग्थिन् ।

हतारिएकी उषा अभिनेत्री केकी अधिकारी र प्रियांका कार्की बोलिरहेको ठाँउमा पुगेर बिचमा घुसिन् । केकी र प्रियाँका भने उषा आएर बीचमा बसेको देखेपछि पछाडि हटे । फटाफट चलचित्रबारे प्रतिकृया दिएर हिडिन् ।
केकी र प्रियांकाले पनि उषालाई भाउ दिएनन् ।
उता अभिनेत्री शिल्पा मास्के पनि कार्यक्रममा सहभागी थिइन् । उनी अन्य अभिनेत्रीहरुसँगै बसेको र हिडेको देखिएन ।