९ फाल्गुन २०८०, बुधबार | Thu Feb 22 2024

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

मुख्य समाचार


ललितपुर चापागाँउको टहरामा आगलागी, बृद्ध कान्छा महर्जनको मृत्यु



ललितखबर
२६ माघ । ललितपुरको चापागाँउमा एक टहरामा आगलागी हुँदा एक बृद्धको मृत्यु भएको छ ।
गोदावरी नगरपालिका ११ बुलुपार्कनजिक टहरामा बस्दै आएका ६५ वर्षीय कान्छा महर्जनको बिहीबार राति आगलागीपछि आगोले महर्जनको जलेर मृत्यु भएको महानगरिय प्रहरी बृत्त चापागाँउका डिएसपिकृष्णकुमार चन्दले ललितखबरलाई जानकारी दिएका छन् ।
उनका अनुसार राती ११ बजे आगलागी भएको देखेपछि स्थानीयले आगो निभाएका थिए । प्रहरी बृत्तबाट पुगेको टोलीले जलेको टहराबाट शव निकालेर पोष्ट मार्टमका लागि पाटन अस्पताल पठाएको छ ।
आगलागीका कारण टहरा समेत पूर्णरूपमा क्षति भएको छ ।
आफ्नै जस्ताको टहरोमा आगलागी हुँदा सोही आगोले जलेर उनको मृत्यु भएको डिएसपि चन्दको भनाई छ । बृद्ध महर्जन एक्लै टहरामा बस्दै आएका थिए । उनी हत्तपत्त घटराबाट निस्कदैनथे । टहरामा दाउरा कपडालगायत सरसामान रहेकाले आगलागी हुन सहयोग गरेको डिएसपि चन्द बताउछन् । उनको मानसिक अवस्था कमजोर रहेको स्थानीयको भनाई उदृत गर्दै महर्जनले भने, ‘घटनाका सम्बन्धमा कुनै शंकास्पद सुराक प्राप्त भएको छैन । हामी अनुसन्धान गरिरहेका छौं ।’
चुरोटको ठूटोबाट आगलागी भएको हुनसक्ने शंका रहेको डिएसपि चन्द बताउछन् । उनको आगलागीकै क्रममा घटनास्थलमै मृत्यु भएको थियो भने शरिर पूण्र्चा रुपमा जलेको थियो ।

प्रकाशित मिति : २६ माघ २०८०, शुक्रबार  ९ : ३४ बजे