राम्रो सम्बन्ध भएको बेला खिचिएको अन्तरंग भिडियो परिवारलाई पठाएपछि पक्राउ

काठमाडौँ
११ फागुन । सुसम्बन्ध रहेका बेला खिचिएका अन्तरङ्ग तस्बिर र भिडियो महिलासँग सम्बन्ध बिग्रिएपछि सामाजिक सञ्जाल फेसबुक म्यासेन्जरबाट महिलाका परिवारलाई पठाएर चरित्रहत्या गरेका अभिएको एक युवक पक्राउ परेका छन् ।

सामाजिक सञ्जालबाट महिलाको चरित्रहत्या गरेको अभियोगमा प्रहरीले नुवाकोट शिवपुरी गाउँपालिका ४ का २७ वर्षीय किरण थापालाई पक्राउ गरिएको हो ।
केन्द्रीय प्रहरी समाचारकक्षका अनुसार प्रहरी प्रधान कार्यालय साइबर ब्युरोको टोलीले गरेको अनुसन्धान तथा प्राविधिक विश्लेषणबाट अभियुक्तले सामाजिक सञ्जालको दुरुपयोग गरेको पुष्टि भएको भन्दै उनलाई गोङ्गबुबाट पक्राउ गरिएको जनाइएको छ ।

यसैबीच, सर्लाहीको नयाँरोडबाट एक क्विन्टल गाँजासहित एक जना पक्राउ परेका छन् । नवलपरासीको गैडाकोटका सूर्य परियारलाई मोटरको डिकीमा गाँजा लिएर बरहथवा गइरहेका बेला निजलाई पक्राउ गरिएको हो ।