चलचित्र ‘केटी हराएको सूचना’मा अभिनेता नाजिरको जोडी श्रृष्टि

२१ फागुन । अभिनेता नाजिरको चलचित्र ‘केटी हराएको सूचना’मा सृष्टीसँग अनस्क्रिन रोमान्स अभिनेता नाजिर हुसेनले चलचित्र ‘केटी हराएको सूचना’मा सृष्टीसँग अनस्क्रिन रोमान्स गर्ने भएका छन् ।
चलचित्रको सोमबार स्क्रिट पूजा गरेसँगै उनीहरु नयाँ चलचित्र ’केटी हराएको सूचना’ मा अनुबन्धित हुने निश्चित भएको हो ।
यस चलचित्रमा नाजिरसँगै अभिनेत्री सृष्टी श्रेष्ठ मुख्य भूमिकामा रहने छन् । उनीहरूले पहिलो पटक जोडी बनेर अभिनय गर्न लागेका हुन् ।
ट्राइसिटि पिक्चर्स प्रोडक्सन कम्पनीबाट निर्माण हुन लागेको यो चलचित्रको दिपेन्द्र गौचनको लेखन तथा निर्देशन गर्दैछन् । गौचनले यस अघि चर्चित टेलीसिरियल ’उजेली’ निर्देशन गरेका थिए ।
चलचित्रको निर्माता नकिम उद्दिम रहेका छन्

चलचित्र अम्बर महर्जन छायाँकार गर्नेछन् । घोषणासँगै बिहीबारदेखि काठमाडौँ र जनकपुरमा छायाँकन हुने निर्माण पक्षले जानकारी दिएको छ ।

लामो समय विश्रामपछि पछिल्लो समय अभिनेता नाजिरको चलचित्र अगस्त्य च्याप्टर १ प्रदर्शन भइरहेको छ ।