दक्षिण ललितपुरको महाँकाल गाँउपालिकाद्वारा पालिका गानको भिडियो सार्वजनिक, स्थानीयले गरे आलोचना

ललितखबर
६ चैत्र । दक्षिण ललितपुरको महाँकाल गाँउपालिकाले एक समारोहकाबीच सोमबार पालिका गान सार्वजनिक गरेको छ ।
पालिका गीत सार्वजनिकसँगै सामाजिक सञ्जाल युट्युवमा समेत प्रशारण भएको छ । पालिका गान प्रशारण भएपछि स्थानीयहरुले विभिन्न कोणबाट दृष्टिकोण सार्वजनिक भएको छ । गीतको धेरैले गौरवको विषय भएको भन्दै सामाजिक सञ्जालमा शेयर गरिरहेका छन् भने कतिपय स्थानीयले आलोचना गरेका छन् ।
गायक समेत रहेका महाकाल गाउपालिकाका स्थानीय कृष्ण दाहालले स्थानीय कलाकार र सर्जहहरुलाई ठाँउ नदिएकोमा असन्तुष्टि जनाएका छन् ।
उनले सामाजिक सञ्जालमार्फत प्रश्न गरेका छन्, ‘गाउँपालिकाको गानलाई न्यायपुर्ण गायन र सङ्गीत दिने यहि माटोले जन्माएको गायक गायिका र सङ्गितकारको अभाव भएकै हो र हामीले अरुको गुहार माग्नु परेको? महाकालले यहि ठाउँको गीतकार पाउँदा यहि ठाउँको सङ्गितकार र सम्पुर्ण गायक गायिका पनि पाउन सक्ने अवस्था थियो होला नि ?’
पालिकाले आफ्नै गाउँठाउँंको कलालाई उपयोग, संरक्षण र विकासको लागि भनेर खोलिएको संस्थाको कार्यशैली र स्वयं गाउँपालिकाको भुमिका पनि स्थानीय कलाकारलाई निषेध गरेर अगाडि जान खोजेको देखिएको उनले प्रतिकृया दिएका छन् ।
यद्यपी गाँउपालिकाले गाँउपालिकाका अध्यक्ष्य गणेश केसीके छोरी समेत रहेकी सुजाता केसीले गाँउपालिका गानमा स्वर दिएकी छिन् ।
स्थानीय सुर्दशन घिमिरेले गाउपालिकाको बुखेललाई गीतमा उल्येख नगरेकोमा असन्तुष्टि व्यक्त गरेका छन् ।
महाँकाल गाँउपालिकामा गीतको भिडियो नेताहरुको अनुहार !!!
दक्षिण ललितपुरको महाँकाल गाँउपालिकाले सार्वजनिक गरेको पालिका गीतमा नेताहरुको अनुहार रहेको फुटेज राखेर सार्वजनिक गरेको छ ।
गीतमा पालिका अध्यक्ष, जिल्ला समन्वय समितीका प्रमुख ऋषिदेव फुँयाल समेत देखिन्छन् ।
पालिका गीतमा स्थानीय गौरव गर्नलायक सम्पदा, पर्यटकीय क्षेत्र र विकाश परियोजना राखेर पालिका गीत बनाउनु पर्नेमा महाँकाल गाँउपालिकाका जनप्रतिनिधिहरुले आफूहरुकै अनुहार राखेर गीतको भिडियो बनाएका हुन् ।
गाँउपालिकाका प्रमुख कार्यकारी अधिकृत अशोक विष्टले भिडियोमा जनप्रतिनिधि, पुर्वजनप्रतिनिधि र कर्मचारीहरु समेत भिडियोमा देखिएको बताए । भने, महाँकाललाई समृद्ध बनाउन भूमिका खेल्नेहरुको अनुहार देखाइएको हो ।
कतिपयले पालिका गीतमा सबै वडाको नाम नसमिटेको भन्दै असन्तुष्टि जनाएका छन् ।
गत २०७९ भदौंमा गाँउपालिकाले प्रतिश्पर्धाबाट रामसुन्दर केसीले रचना गरेको गीतलाई महाँकाल गाँउपालिका गानको रुपमा छनौट गरेको थियो । प्रतिश्पर्धामा रहेका राजकुमार बजगाँई दोश्रो,नवराज सञ्जेल आरजे तेश्रो र नारायणप्रसाद दाहाल चौथो बनेका थिए ।
गीतमा राम कुमार नेपाली, मुना ठटाल, सुदिप राज जैरु र सुजाता केसीले स्वर दिएका छन् ।
गीतको संगीत रामकुमार नेपालीको रहेको छ भने भिडियो छायाँकन विष्णु बरालले गरेका छन् भिडियो निर्देशन र सम्पादक क्रान्ति केसीले गरेका हुन् ।