नयाँ चलचित्र बनाउदै अभिनेत्री रेखा थापा

काठमाडौं 
११ चैत्र । चलचित्र ‘उपहार’ निर्माणसँगै सफलता चाखेकी अभिनेत्री रेखा थापाले अर्को चलचित्र बनाउने तयारी जुटेकी छिन् ।
पछिल्लो समय नेपाली अभिनेत्रीहरु मिलेर चलचित्र बनाउनु पर्छ भन्दै सहअभिनेत्री बेनिसा हमाल, पुजा शर्मा र लिएर चलचित्र ‘उपहार’ बनाएकी थिइन् ।
चलचित्र तुलनात्मक रुपमा सफल भएपछि उनी नयाँ चलचित्रबारे सोचिरहेको बताएकी हुन् ।
भर्खरै सन्तान सुख प्राप्त गरेसँगै उनी परिवारको साथमा अमेरिका छिन् । रेखा थापा वैशाखको १८ गते नेपाल फर्कने बताएकी छिन् ।
नेपालमा राम्रो व्यापार गरेको चलचित्र अमेरिकामा पनि सफल व्यावसाय गरेपछि रेखा नयाँ चलचित्र निर्माणबारे सोचेकी हुन् । उनले भनिन्,‘नेपाली चलचित्र उद्योगको गरिमा राख्ने किसिमको चलचित्र बनाउन मन छ । अहिले सोचिरहेकी छु । नेपाल आएपछि मात्रै तयारी सुरु हुन्छ ।’
पछिल्लो समय राजनीतिसँगै चलचित्र उद्योगमा अभिनेत्री थापा सक्रिय छिन् । राप्रपाबाट राजनीतिमा अघि बढिरहेकी अभिनेत्री थापा यसअघि नेकपा माओवादी पार्टीमा सक्रिया राजनीतिमा होमिएकी थिइन् ।