१ बैशाख २०८१, शनिबार | Sat Apr 13 2024

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

मनोरन्जन


विदेश पलायनलाई रोक्नुपर्छः सौगात मल्ल



२० चैत । अभिनेता सौगात मल्लले नेपालीहरु विदेश पलायन हुने क्रम रोक्न आवश्यक रहेको बताएका छन्। मंगलबार चलचित्र ‘द रेड सुटकेश’ को ट्रेलर सार्वजनिक कार्यक्रममा बोल्दै उनले यस्तो बताएका हुन्। आफूसँग अध्ययन गर्दाका साथीहरु अहिले नेपालमा नरहेको भन्दै दुःख लाग्ने गरेको उनले बताए ।

उनले राज्यले नै आवश्यक नीति नियम बनाएर युवा पलायनको अवस्थालाई रोक्न जरुरी रहेको उल्लेख गरे। युवाहरु विदेश पलायन भइरहेको अवस्थालाई राज्यले बेवास्ता गरिरहेको उनको जिकिर थियो।

‘मनमा एक खालको अप्ठ्यारो लाग्छ, कसरी रोक्न सकिन्छ जस्तो लाग्छ। यसलाई कसरी रोक्ने भन्ने ठ्याक्कै थाहा छैन। सरकारले काम गर्ने हो। तर सरकार पनि बेवास्ता गरिरहेको जस्तो देखिन्छ, केही मतलब नै छैन जस्तो देखिन्छ, के फरक पर्ला र ? भन्ने जस्तो देखिन्छ, तर केही होस् भन्ने चाहन्छु।’ उनले भने।

प्रकाशित मिति : २० चैत्र २०८०, मंगलबार  ३ : ४४ बजे