एमाले ललितपुरको नयाँ नेतृत्वको निर्वाचन आज हुन सकेन, भोलिसम्मलाई स्थगित

ललितखबर
२५ चैत्र । नेकपा एमाले ललितपुरको नयाँ नेतृत्वका लागि आज निर्वाचन हुन सकेन ।
साँझ अवेरसम्म सर्वसम्मतीको प्रयास गरिएको भए पनि नयाँ नेतृत्वका लागि सहमती हुन नसकेपछि सोमबार विहान ७ बजे निर्वाचन सुरु गर्ने कार्यतालिका बनाएर आजको निर्वाचन स्थगित गरिएको छ ।
निर्वाचन कमिटीमा प्रमुख पुरुषोत्तम ढुंगानाले भोलि विहान ७ बजेदेखि ११ बजेसम्म निर्वाचन हुने जानकारी दिएका छन् । उनले भने, ‘आज सर्वसम्मतीको प्रयासहरु भए । साँझ अवेर भएकाले निर्वाचन आजलाई स्थगित गरिएको छ ।’
आज विहान सुरु भएको निर्वाचन प्रकृयाअन्र्तगत अध्यक्षमा नेताहरु चेतनाथ सञ्जेल,दिनेश कार्की,पुरुषोत्तम आचार्य र सुवर्ण श्रेष्ठले उम्मेदावरी दिएका छन् । उपाध्यक्ष खुलामा अष्टविर ब्यञ्जनकार, मञ्जली शाक्य,श्याम व्यञ्जनकार र गरिगोविन्द श्रेष्ठले उम्मेदवारी दिए ।
सचिव खुलामा रत्न महर्जन,राम राउत,लक्ष्मणप्रसाद बजगाई,सहकुल खत्री,सुर्दशन मिश्र र हरिप्रसाद न्यौपानेले उम्मेदवारी दिए । उपसचिवतर्फ नानीकाजी शाक्य,प्रभाकर थापा, मनोज महर्जन,श्याम शर्मा बजगाई,सन्दन थापामगर र साजन दर्लामीले उम्मेदवारी दिएका छन् ।
उपसचिवतर्फ महिला आरक्षणमा अन्नपूर्ण बस्नेत, आशा राई,संगीता अछामी र सुकुमायाँ लामाको उम्मेदवारी परेको छ । कार्यसमितीका यी सबै पदमा एक एक जना मात्रै विजयी हुने प्रावधान छ ।
निर्वाचनमार्फत १ सय २० जनाको कार्यसमिती चयन गर्ने कार्यक्रम रहेकोमा उम्मेदवारीपछि ४७ पदमा सर्वसम्मत विजयी घोणणा गरिएको छ ।
निर्वाचन समितीका अनुसार विभिन्न पालिकाबाट सदस्यहरु रहने व्यवस्था अनुरुप अधिकाशं सर्वसम्मत भएका हुन् ।