ललितपुर एमाले अध्यक्षमा चार नेताको भिडन्त, ४६ पदमा सर्वसम्मत

२६ चैत्र । नेकपा एमाले ललितपुरको जारी नवौं अधिवेशनले नयाँ नेतृत्व छनौट गर्दैछ । आज हुने निर्वाचन अन्र्तगत विद्युतीय मतदानमा वर्तमानअध्यक्ष पुरुषोत्तम आचार्य, पूर्वप्रदेश सासंद चेतनाथ सञ्जेल र बागमती प्रदेश कमिटीका पूर्वसदस्य दिनेश कार्कीसँगै जिल्ला सदस्य सुवर्ण श्रेष्ठले उम्मेदवारी दिएका छन् ।
उपाध्यक्ष खुलामा अष्टविर ब्यञ्जनकार, मञ्जली शाक्य,श्याम व्यञ्जनकार र गरिगोविन्द श्रेष्ठको उम्मेदवारी परेको छ ।
सचिव खुलामा रत्न महर्जन,राम राउत,लक्ष्मणप्रसाद बजगाई,सहकुल खत्री,सुर्दशन मिश्र र हरिप्रसाद न्यौपानेले उम्मेदवारी दिए भने उपसचिवतर्फ नानीकाजी शाक्य,प्रभाकर थापा, मनोज महर्जन,श्याम शर्मा बजगाई,सन्दन थापामगर र साजन दर्लामीले उम्मेदवारी दिएका छन् ।
उपसचिवतर्फ महिला आरक्षणमा अन्नपूर्ण बस्नेत, आशा राई,संगीता अछामी र सुकुमायाँ लामाको प्रतिश्पर्धा तय भएको छ ।
हिजो साँझ अवेरसम्म सर्वसम्मतीको प्रयास गरिएको भए पनि नयाँ नेतृत्वका लागि सहमती हुन नसकेपछि सोमबार विहान ७ बजे निर्वाचन सुरु गरिएको हो ।
हिजो भएको छलफलपछि ४६ पदमा भने सर्वसम्मत भएको छ । निर्वाचन कमिटीमा प्रमुख पुरुषोत्तम ढुंगानाका अनुसार जिल्ला सदस्य महिलामा तारा केसी,रेनुका बजगाईं,कमला थापा, र शोभा महर्जन सर्वसम्मत चयन भएका छन् । खुला युवा सदस्यमा दिनेश दाहाल र सुमन खड्का दलीत सदस्यमा जुनु मिजार र नानीराम परियार आदीबासी जनजाती महिला कल्पना श्रेष्ठ र प्रमकुमारी स्याङ्बो आदीबासी जनजाती युवा चिनबहादुर लामा,अपाङ अल्पसंख्यक खुला लक्ष्मी बहादुर नगरकोटी सर्वसम्मत विजयी भएका छन् ।
वागमती गाँउपालिका खुला सदस्यमा जनकराज न्यौपाने,दामोदर घिमिरे, नारायणबहादुर घले, राजकुमार घिमिरे पालिकाको महिला सदस्यमा गुणकुमारी घिमिरे, नमूना दोङ र रमा चौलागाई  विजयी भए ।
कोञ्ज्योसोम गाँउपालिकाको खुला सदस्य उद्धबप्रसाद घिमिरे,कृष्णप्रसाद घिमिरे,रोहण घलान लामा, महिला सदस्य रनिता तामाङ र सपना तामाङ चयन भए ।
महाकाल गाउपालिकाको खुला सदस्य गोविन्द प्रसाद घिमिरे,नवराज महत,रमेश घिमिरे,रामकृष्ण आचार्य र सुमन तामाङ महिलातर्फ कमला तामाङ र बालकुमारी तिमल्सिना र युवा सदस्यमा शंकर घिमिरे सर्वसम्मत विजयी भए ।
महालक्ष्मी नगरको महिला सदस्य इश्वरी सुवेदी,पार्वती बञ्जरा,रिता पुर्कुटी,संगीता राई र विष्णुकुमारी राई विजयी भए ।
ललितपुर महानगरको युवा खुल्ला सदस्य अनन्त लुइटेल,प्रवेश दाहाल,सुजीन महर्जन,सुब्रतमणी दिक्षित युवा महिला प्रतिमा सिंह शाह ठकुरी र सन्तना दाहाल लेखा कमिटी खुल्लामा रघुनाथ घिमिरे, शशीकुमार कार्की र रामशरण घिमिरे र लेखा कमिटी महिलामा रोजिता सञ्जेल विजयी भए ।
आज ७ बजेर ४५ मिनेटमा मतदान सुरु गरिएको निर्वाचन समितीका संयोजक ढुंगानाले ललितखबरलाई जानकारी दिउका छन् ।