काठमाडौंको कीर्तिपुरमा बस दुर्घटना, एक डाक्टरको मृत्यु, ३ जना घाइते

काठमाडौं
२३ वैशाख । काठमाडौंको कीर्तिपुरमा बस दुर्घटना हुँदा एक डाक्टरको मृत्यु भएको छ भने तीन यात्रु धाइते भएका छन् ।
प्रहरीका अनुसार कीर्तिपुरबाट रत्नपार्क जाँदै गरेको बा.३ ख.२०२७ नम्बरको बस कीर्तिपुर आर्युवेदिक अस्पताल अगाडि दुर्घटना भएको हो।
दुर्घटनामा ४२ वर्षीय डा. गोविन्द रिजालको मृत्यु भएको प्रहरीले जनाएको छ। अन्य घाइतेको अवस्था सामान्य रहेको छ भने उनीहरुको ट्रमा सेन्टरमा अस्पतालमा उपचार भइरहेको छ।
बस दुर्घटनबारे थप अनुसन्धान भइरहेको प्रहरीले जनाएको छ।