क्यान्सरबाट पीडित गीतकार चाम्लिङको उपचारमा सघाउन संघको आग्रह

२१ जेठ । क्यान्सर पीडित गीतकार टीका चाम्लिङको उपचारमा सघाउन गीतकार संघ नेपालले आग्रह गरेको छ । अध्यक्ष वसन्त वित्यासी थापाले आर्थिक स्थिति  कमजोर भएका चाम्लिङलाई सघाउन आर्थिक सहयोगको अपिल गरेका हुन् ।

चाम्लिङ एक महिनादेखी क्यान्सरबाट पीडित छन् । अहिले ललितपुरस्थित नेपाल क्यान्सर अस्पतालमा उपचार भैरहेको छ । अध्यक्ष थापाले उपचारका लागि रकम यति नै चाहिन्छ भन्ने यकिन नभएकाले सहयोगी मनलाई सहयोग गर्न आग्रह समेत गरे ।

गीतकार संघद्धारा जारी अपिल पत्रमा ठूलो धनराशी खर्च भइसकेको र अझै खर्चको अभाव हुने भएकाले स्वदेश तथा बिदेशमा रहने सम्पुर्णका लागी सहयोगको अपिल गरिएको उल्लेख छ ।

संघले २५ हजार रुपैयाँ सहयोग गरेको छ । सहयोग गर्न चाहनेका लागी गीतकार संघ नेपालको एभरेस्ट बैंकमा रहेको ००१००१०५२००८४७ नम्बरको खातामा रकम जम्मा गर्न सकिने बताइएको छ ।