अभिनेत्री पुजाको एक्शन नै एक्सन समेटिएको चलचित्र ‘दान्भी’ प्रर्दशन

काठमाडौँ
७ असार । अभिनेत्री पुजा शर्माको मुख्य भूमिका रहेको ‘दान्भी’ आजदेखि प्रर्दशन सुरु भएको छ ।

‘दान्भी’मा अभिनेत्री पूजा शर्मा एक्सन अवतारमा प्रस्तुत भएका कारण उनका फ्यानहरुमा चलचित्रप्रति खास कौतुहलता रहेको छ । ट्रेलरमा पुजाको एक्सनको प्रशंसा भएको थियो । चलचित्रले देशभरका मल्टीप्लेक्सहरुमा राम्रो शोज पाएको छ ।

रुपेश तामाङको निर्देशनमा बनेको चलचित्रमा पूजासहित कुन्साङ बोम्जन र किरण श्रेष्ठको पनि अभिनय छ । ‘दान्भी’मा हरि बहादुर घलेको छायांकन, रविना थापा मगरको कथा, संजोग कुवँर रानाको पटकथा तथा संवाद लेखन तथा अर्जुन पोखरेल, नरेश जोशी र केदारराज नेपालको संगीत छ । फिल्मको निर्माता देव मगर र अनुप गडाल हुन् । कार्यकारी निर्मातामा भने पवन राना मगर छन् ।