काठमाडौँ
१० साउन । बरिष्ठ चिकित्सक डा सन्दुक रुइतले प्रधानमन्त्री केपी ओलीसँग भेट गरेर आँखाको क्षेत्रका गर्न सकिने विभिन्न योजनाका बारेमा छलफल गरेका छन् ।
प्रधानमन्त्री केपी शर्मा ओलीसँग आँखालगायत समग्र स्वास्थ्य क्षेत्रमा गर्न सकिने कामबारे आज आँखासम्बन्धी वरिष्ठ चिकित्सक डा सन्दुक रुइतले प्रधानमन्त्री निवास बालुवाटारमा कुराकानी गरेका हुन् ।
प्रसिद्ध रमन ग्यागासासे पुरस्कारप्राप्त डा रुइतसँगको भेटबारे प्रधानमन्त्री ओलीले सामाजिक सञ्जालमार्फत पुष्टि गरेका छन् । प्रधानमन्त्री ओलीले बरिष्ठ चिकित्सक डा रुइतसँगको भेटपछि आफूलाई ताजा महसुस भएको अनुभव साटेका छन् ।
प्रधानमन्त्री ओलीको भनाई :
“बाहिर झमझम पानी परिरहेको थियो । भेटको मेरो प्राथमिकतामा रहनुभएका डा सन्दुक रुइतसँग आज धेरैबेर कुरा भयो । आँखालगायत समग्र स्वास्थ्य क्षेत्रमा के के गर्न सकिन्छ भन्ने विषयमा उहाँका योजना सुनेँ । आँखा नभएका मानिसलाई संसार देखाउन पाउँदाको उहाँको प्रेरणादायी अनुभवले ताजा भएको महसुस भयो ।”
प्रतिक्रिया