काठमाडौं
३१ साउन । चलचित्र ‘नरसिंहाः अवतार’ मा भूमिकामा सनिशा भट्टराई अनुबन्धित भएकी छन् ।
निर्देशक दिवाकर भट्टराई निर्देशन गर्न लागेको यस चलचित्रका लागि उनीसँग लिखित संझौता भइसकेको छ ।
निर्माणपक्षले यो चलचित्रमा सनिशाको कस्तो भूमिका छ भन्ने बिषयमा भने केही पनि खुलाइएको छैन । आफूले निर्वाह गर्ने भूमिका र यो चलचित्रलाई लिएर आफू उत्साहित रहेको जानकारी सनिशाले दिइन् ।
सनिशाको यो दोस्रो चलचित्र हो । उनको डेब्यू अभिनय रहेको चलचित्र १२ गाउँ फूलपातीमा प्रर्दशन हुँदैछ ।
यही चलचित्रबाट ८ वर्षपछि महानायक राजेश हमाल कमक्याक गर्दैछन् ।
आठ वर्ष भन्दा धेरै समय पछि हमाल फिल्ममा फर्किने खबरले यतिबेला नेपाली चलचित्रवृत तताएको छ । यो चलचित्र उनीसँगै दर्शक दुवैका लागि विशेष हुने पक्का छ । जस कारण यो चलचित्र प्रतिक्षित बन्ने निश्चित छ ।
यस चलचित्रमा निती शाह पनि यसअघि नै अनुबन्धित भइसकेकी छन् ।
क्रिएटिभ सिने आर्टको प्रस्तुति रहने चलचित्र यही भदौबाट छायाङ्कनमा जाने तयारीमा रहेको छ । चलचित्रको लगानी तीन करोडभन्दा माथि हुने बताइएको छ ।
निर्देशक भट्टराईको अर्को चलचित्र ‘मायावी’ प्रदर्शनको तयारीमा छ ।
प्रतिक्रिया