बलिउड चलचित्र स्त्री–२ को बक्स अफिसमा कीर्तिमानी आम्दानी

काठमाडौँ
३२ साउन। बलिडड चलचित्र स्त्री–२ ले भारतीय बक्स अफिसमा ऐतिहासिक आन्दानी गरेको छ । प्रर्दशनको पहिलो दिन विहिबार स्त्री–२ ले ५५ करोड ४० लाख आन्दानी गरेको चलचित्र विश्लेषक तरण आदर्शले जानकारी दिएका छन् ।

चलचित्रले बुधबार पेड रिभ्युबाट ९.४० करोड आन्दानी गरेको र विहिबार ५५ करोड ४० लाख गरि कुल ६४ करोड ८० लाख आन्दानी गरेको आदर्शले जानकारी दिएका हुन् ।

योसंगै स्त्री–२ ले बलिवुडमा पहिलो दिन यसअघि पठानले ५५ करोड आन्दानी गरेर राखेको किर्तिमान समेत तोडेको छ । पहिलो दिन पठान बाहेक एनिमलले ५४.७५ करोड कमाएको थियो भने केजीएफ–२ ले ५३.९५ करोड कमाएको थियो । त्यस्तै वारले ५१ करोड ६० लाख कमाएको थियो ।

यसअघि बनेको स्त्रीले आफ्नो पहिलो सातामा ६० करोड ३९ लाख कमाई गरेको थियो, जबकी स्त्री–२ ले पहिलो दिनमा नै सो अंकलाई पछाडी पारेको छ ।

अमर कौशिकले निर्देशन गरेको स्त्री–२ मा श्रद्धा कपूर, राजकुमार राव, पंकज त्रिपाठी, अभिषेक बेनर्जीलगायतको अभिनय रहेको छ ।