चलचित्र स्त्री–२ को पाँच दिनसम्मको आम्दानी २४२ करोडभन्दा धेरै

काठमाडौँ
४ भदौं । चलचित्र स्त्री–२ को पाँचौं दिनसम्म २४२ करोडभन्दा धेरै आम्दानी गर्न सफल भएको छ ।
बलिउड चलचित्र स्त्री–२ ले भारतीय बक्स अफिसमा शानदार कमाई गरिरहेको हो । चलचित्रले प्रर्दशनको पाँचौं दिन सोमबार मात्र ३८ करोड ४० लाख आम्दानी गर्न सफल भएको हो ।

चलचित्र विश्लेषक तरण आदर्शका अनुसार चलचित्रले अहिलेसम्म २४२ करोड ४० लाख आम्दानी गरिसकेको छ ।

चलचित्रले प्रर्दशनको पहिलो दिन विहिबार ५५ करोड ४० लाख आम्दानी गरेको थियो । त्यस्तै चलचित्रले बुधबार पेड रिभ्यु र प्रिमियरबाट ९.४० करोड आम्दानी गरेको थियो । त्यस्तै चलचित्रले शुक्रबार ३५.३० करोड, शनिबार ४५ करोड ७० लाख र आइतबार ५८ करोड २० लाख आम्दानी गरेको थियो ।

करिब ५० करोडको लागतमा बनेको यो चलचित्रले पहिलो दिनमा नै आफ्नो लागत उठाएको छ । यसअघि बनेको स्त्रीले आफ्नो पहिलो सातामा ६० करोड ३९ लाख आम्दानी गरेको थियो, जबकी स्त्री–२ ले पहिलो दिनमा नै सो अंकलाई पछाडी पारेको छ ।

अमर कौशिकले निर्देशन गरेको स्त्री–२ मा श्रद्धा कपूर, राजकुमार राव, पंकज त्रिपाठी, अभिषेक बेनर्जीलगायतको अभिनय रहेको छ ।