चलचित्र सतीदेबीको प्रिमियरमा सहभागी कलाकारले भने, ‘चलचित्र राम्रो छ’

ललितखबर
५ भदौं । राजधानीमा मंगबार साँझ कमल पोखरीको एक चलचित्र भवनमा आयोजित प्रिमियरमा चलचित्र हेरेपछि सहभागी कलाकारहरुले राम्रो भन्दै प्रतिकृया दिएका छन् ।
अभिनेता जयकिसनबस्नेतले छोरी मान्छेले हेर्नैपर्ने चलचित्र बनेको प्रतिकृया दिए । अभिनेत्री पुजा शर्माले चलचित्रमा अभिनेत्री मलिका महतको अभिनय मन परेको बताइन् ।
अभिनेत्री मिरुना मगरले पनि समाजमा सुन्दै आएको कथामा चलचित्र बनेको बताइन् । महिलाहरुलाई चलचित्रको विषयबस्तुले राम्रोसँग छुने बताउदै चलचित्र हेर्दा आफू भावुक बनेको सुनाइन् ।
अभिनेत्री गौरी मल्ल समेत चलचित्र हेरेर भावुक बनेको प्रतिकृया दिइन् । अभिनेता सलोन बस्नेतले मलिका महतको कामको प्रशंशा गर्दै चलचित्र चलचित्र हेर्न सुझाव दिए ।
अभिनेता सलिनमान बानियाँले पनि अभिनेत्री महतको कामको खुलेर प्रशंशा गरे । उनले मलिकालाई सतीदेबीको चरित्रमा हेर्न मन लागेको बताए ।
चलचित्रको प्रिमियरमा थुप्रै कलाकार, पत्रकार,समाजसेवी र शुभेश्छुकहरुमाझ प्रिमियर निम्ता गरिएको थियो ।
यही भदौं ७ गतेबाट देशभरको चलचित्र भवनहरुमा प्रर्दशन सुरु हुने चलचित्र सतीदेबीको पत्रकार लक्ष्मण सुवेदीले निर्माण र निर्देशन गरेका हुन् ।