चलचित्र ‘बेहुली फ्रम मेघौली’ : ‘बुढीकन्या’को विहे लफडा

ललितपुर
८ भदौं । भखैरै चलचित्र ‘बेहुली फ्रम मेघौली’को टिजर सार्वजनिक भएको छ ।
टिजरमा अभिनेत्री स्वस्तिमा खड्का आफू २९ बर्ष भएको संवाद बोल्छिन् । सँगै अर्को संवाद सुनिन्छ –‘छोरीलाई बुढीकन्या बनाएर राख्नु त भएन नि’।
पछिल्लो समय उमेर पुगेको युवा युवतीहरुले ढिला विहे गर्ने प्रबृत्ति र यसले पारेको सामाजिक मनोबैज्ञानिक असरका विषयमा चलचित्र निर्माण गरिएको टिजरमार्फत खुलासा भएको छ ।
चलचित्रको टिजरमार्फत पछिल्लो राजनीतिक परिदृश्यलाई सान्दर्भिक ढंगले प्रस्तुत परेको टिजरले छनक दिएको छ ।
चलचित्रमा अभिनेत्री स्वस्तिमा नयाँ नयाँ केटा विवाहका लागि छनौट गरिरहेको बुझ्न गाह्रो पर्दैन । टिजरमा निर्देशक निश्छल बस्नेतसँग अभिनेत्री स्वस्तिमाको रोमान्सका दृश्यहरु समेत समेटिएको छ ।

चलचित्रमा अभिनेत्री स्वस्तिमा खड्कासँगै निश्छल बस्नेत,बसुन्धरा भुसाल,विजय बराल,रक्षा थापा,सिरु विष्ट,लोकेन्द्र लेखकलगायतको अभिनय हेर्न पाइन्छ ।
चलचित्रको कथा र निर्देशन सजक काफ्ले र आकाश बराल रहेका छन् ।
यही असोज १७ गते घटस्थापनाबाट प्रर्दशन सुरु हुने चलभित्र अभिनेत्री स्वस्तिमा खड्का र निश्छल बस्नेतको लगानीमा निर्माण भएको हो ।