काठमाडौँ
१० भदौं । बलिउड चलचित्र स्त्री–२ ले भारतीय बक्स अफिसमा शानदार कमाई गरिरहेको छ ।
चलचित्रले प्रर्दशनको दोस्रो सातामा फिल्म ४ सय करोड क्लबमा प्रवेश गरेको छ । चलचित्र विश्लेषक तरण आदर्शका अनुसार चलचित्रले अहिलेसम्म ४०१ करोड ६५ लाख कमाई गरेको छ ।
चलचित्रले प्रर्दशनको पहिलो दिन विहिबार ५५ करोड ४० लाख कमाई गरेको थियो । त्यस्तै चलचित्रले बुधबार पेड रिभ्यु र प्रिमियरबाट ९.४० करोड कमाई गरेको थियो । त्यस्तै चलचित्रले शुक्रबार ३५.३० करोड, शनिबार ४५ करोड ७० लाख, आइतबार ५८ करोड २० लाख, सोमबार ३८ करोड ९० लाख, मंगलबार २६ करोड ८० लाख, बुधबार २० करोड ४० लाख र विहिबार १८ करोड २० लाख कमाएको थियो ।
त्यस्तै शुक्रबार १९ करोड ३० लाख, शनिबार ३३ करोड ८० लाख र आइतबार ४० करोड ७५ लाख कमाई गरेको छ ।
त्यस्तै चलचित्रले प्रर्दशनको दोस्रो सातामा सबैभन्दा बढी कमाई गर्ने चलचित्र बनेको छ । स्त्री–२ ले प्रदृशनको दोस्रो सातामा अहिलेसम्मकै धेरै ९३ करोड ८५ लाख कमाई गरेको हो । यस अघि फिल्म गदर –२ ले प्रर्दशनको दोस्रो सातामा ९० करोड ४७ लाख कमाई गरेको थियो भने चलचित्र एनिमलले ८७ करोड ५६ लाख कमाई गरेको थियो ।
करिब ५० करोडको लागतमा बनेको यो चलचित्रले पहिलो दिनमा नै आफ्नो लागत उठाएको थियो ।
अमर कौशिकले निर्देशन गरेको स्त्री–२ मा श्रद्धा कपूर, राजकुमार राव, पंकज त्रिपाठी, अभिषेक बेनर्जीलगायतको अभिनय रहेको छ ।
प्रतिक्रिया