चलचित्र ‘तेल भिसा’ को गीतमा अभिनेता विपिन कार्की देखिए दोहोरो भूमिकामा

काठमाडौँ
११ भदौं । चलचित्र ‘तेल भिसा’ को गीतमा अभिनेता विपिन कार्की देखिए दोहोरो भूमिकामा देखिएका छन् ।
उनी गीतमा विपिन बुबा र छोराको गरी दोहोरो भूमिकामा छन् । गीतमा चलचित्रका मुख्य कलाकारहरू विपिन कार्कीसँगै वर्षा राउत, पूजा चन्द, ऋचा घिमिरे, बुद्धि तामाङ र सुचित्रा उप्रेती प्रस्तुत छन् । छोरा (विपिन कार्की)को सन्तान हुन लागेपछि नेपालबाट आमा (पूजा चन्द) अमेरिका पुगेपछिको अवस्थालाई गीतमा देखाइएको छ । गीतको अन्त्यमा पूजालाई अमेरिकी प्रहरीको नियन्त्रणमा देख्न सकिन्छ ।
शंकर घिमिरेको लेखन तथा निर्देशनमा मा तयार भएको चलचित्र‘तेल भिसा’ को पहिलो गीत सार्वजनिक गरिएको छ ।
सोमबार कृष्ण जन्माष्टमीको अवसर पारेर सार्वजनिक ‘हरि नाम झैं’ बोलको गीत सार्बजनिक गरिएको हो । कल्याण सिंहको संगीतमा तयार भएको गीतमा हर्क साउदको शब्द रचना छ भने निशान भट्टराई र समीरा थपलियाको गायन छ ।

आगामी मंसिर ७ गतेबाट प्रदर्शनको तयारीमा रहेको चलचित्रमा अनिल पाण्डे र शिवराज कार्की निर्माता तथा प्रिन्स युवराज कार्की र श्रुती दाहाल कार्यकारी निर्मातामा छन् । चलचित्रमा सुशन प्रजापतिको छायांकन, रामजी लामिछाने र शिशिर खातीको कोरियोग्राफी, आशिष अविरल, कल्याण सिंह र कृष्ण भारद्वाजको संगीत, विजय बस्यालको पोस्टर डिजाइन तथा अजय खड्काको सम्पादन छ ।