अभिनेत्री पुजा शर्माले आफूमाथि बारम्बर प्रहार गरेको गायिका समिक्षा अधिकारीको आरोप

१८ भदौं । गायिका समिक्षा अधिकारीले अभिनेत्री पुजा शर्माले आफूमाथि बारम्बर प्रहार गरेको भन्दै सामाजिक सञ्जालमार्फत आपत्ती जनाएकी छिन् । एक भिडियो फुटेज सार्वजनिक गर्दै गायिका अधिकारीले प्रश्न गरेकी छिन्, ‘सबै नर्मल नै चलिरहेका बेला आफै छोरी भएर उमेरले झन्डै १४ वर्ष कान्छी एउटी बहिनीलाई यसरी बारम्बार प्रहार गर्नु राम्रो हो र ? ’
एक युट्युवबरलाई दिएको अन्तर्वाताप्रति आपत्ती जनाउदै उनले ‘अदालत नै पोडकाष्टहरु हुन भने, न्यायधिश नै यी र यस्ता कलाकारहरु हुन भने उतिबेला यतैबाट फैसला गरिदिएको भए पनि हुन्थ्यो नि !’ भन्दै जवाफ फर्काएकी हुन् ।
उनले भनेकी छिन्,’सत्य के हो ? कि उस्लाई थाहा छ, कि मलाई थाहा छ कि त भगवानलाई थाहा छ ।’
के सहि? के गलत? छुट्याउन नसक्ने उमेरमा आफूले मायाको तराजुमा आफुलाई जोख्न तयार भएको र माफी दिएर सावित गरिदिएको उनले बताएकी छिन् ।
चलचित्र रावायणको प्रमोसनको क्रममा युट्युवको दैलो चाहार्दै अन्र्तवाता दिन पुगेकी निमात्री समेत रहेकी पुजा शर्मालाई गायिका अधिकारीले प्रश्न गर्दै भनेकी छिन्,‘यसरी पनि सिनेमा चलाउन खोज्नु सहि हो र? ’
उनले ‘यसरी पिडा नदिनुस् प्लिज’ भन्दै सामाजिक सञ्जालबाट अनुनय गरेकी छिन् ।
अभिनेत्री शर्माले अभिनेता पल शाहलाई कानूनले नै प्रमाणित गरिसकेको भन्दै अभिव्यक्ति दिएकी थिइन् । उनले आफ्नो छोरा भए पनि सम्झन आग्रह गरेकी थिइन् ।
पछिल्लो समय नेपाली कलाकारहरु विभिन्न गुट उपगुट बनाएर एक अर्काप्रति आरोप प्रत्यारोप गरिरहेका छन् ।