बालाजुमा दुई मोटरसाइकलको ठक्करपछि चालकको मृत्यु, दुई घाइते

बालाजु बाईसधारा गेट नजिक सडकमा बाग्मती प्रदेश ०२–०५१ प ५५१६ नम्बरको मोटरसाइकल र बा.५४ प ५३८७ नम्बरको मोटरसाइकल एकआपसमा ठक्कर खाएपछि सो दुर्घटना भएको हो

११ असोज । काठमाडौंको बालाजुमा दुई मोटरसाइकल एक आपसमा ठक्करपछि चालकको मृत्यु भएको छ भने दुई जना घाइते भएका छन् ।
प्रहरीका अनुसार काठमाडौं महानगरपालिका १६ बालाजु बाईसधारा गेट नजिक सडकमा बाग्मती प्रदेश ०२–०५१ प ५५१६ नम्बरको मोटरसाइकल र बा.५४ प ५३८७ नम्बरको मोटरसाइकल एकआपसमा ठक्कर खाएपछि सो दुर्घटना भएको हो ।
बिहीबार दिउँसा सो दुर्घटनापछि बा.५४ प ५३८७ नम्बरको मोटरसाइकल चालक तारकेश्वर नगरपालिका–३ तिनपिप्ले आठमाईल बस्ने ४४ वर्षीय केदार ढकालको मृत्यु भएको प्रहरीले जानकारी दिएको छ ।
दुर्घटनामा गम्भीर घाइते भएका उनको बालाजुस्थित २ सिल्भर लाईन अस्पतालमा उपचारको क्रममा मृत्यु भएको हो ।
साथै दुर्घटनामा घाइते भएका बा.५४ प ५३८७ नम्बरको मोटरसाइकलमा सवार १ जना तथा प्रदेश ०२–०५१ प ५५१६
नम्बरको मोटरसाइकलका चालक र सोही मोटरसाइकलमा सवार १ जनाको सोही अस्पतालमा उपचार भइरहेको छ ।