काठमाडौँ
१२ असोज । देशभर परेको भारी वर्षापछि बाढी, पहिरोमा परेर ८७ जनाको मृत्यु भएको छ ।
यसअघि साँझ ५ बजेसम्म ६६ जनाको मृत्यु भएकोमा पछिल्ला विवरण अनुसार थप २१ जनाको मृत्यु पुष्टि भएसँगै मृत्यु हुनेको सङ्ख्या ८७ पुगेको हो ।
प्रहरीको पछिल्लो अपडेट अनुसार ८७ जनाको मृत्यु भएका छन् भने ७२ जना बेपत्ता र ३६ जना घाइते छन् ।
ती मध्ये काठमाडौं उपत्यकामा ४८ जनाको मृत्यु भएको छ । काठमाडौँमा २५, भक्तपुरमा पाँच र ललितपुरमा १८ जनाको मृत्यु भएको प्रहरीले पुष्टि गरेको छ ।
बाढी र पहिरोका कारण काभ्रेमा १४ जना, मकवानपुरमा सात, पाँचथरमा पाँच, सिन्धुपाल्चोकमा चार, दोलखामा तीन जनासहित विभिन्न जिल्लामा जम्मा८७ जनाको मृत्यु भएको प्रहरीले जानकारी दिएको छ ।
यस्तै उपत्यकापछि सबैभन्दा बढी काभ्रेमै २६ जना बेपत्ता छन् । यस्तै पाँचथरमा पाँच, झापामा चार, सिन्धुपाल्चोकमा पाँचसहित अन्य जिल्लामा गरेर ७२ जना बेपत्ता भएका छन् । त्यसैगरी प्रहरीका अनुसार कोशीबाट ८५३, मधेश प्रदेशबाट ५६, उपत्यकाबाट १ हजार ४५७, बागमतीबाट ४९४ जनाको उद्धार गरिएको छ ।
प्रतिक्रिया