काठमाडौंको तीन स्थानमा एकैदिन तीन शव फेला

१५ असोज । काठमाडौंको तीन स्थानमा एकै दिन तीनजनाको शव फेला परेको छ ।
प्रहरीका अनुसार काठमाडौंको तिलगंगा,कलधारा र ढुंगेअड्डामा एक एक शव फेला परेको हो ।
काठमाडौं महानगरपालिका ९ तीलगंगा नजिक बाग्मती खोलामा हाल नाम, थर, वतन नखुलेका अन्दाजी ३५ वर्षीय पुरूष सोमबार मृत अवस्थामा फेला परेका छन् ।
काठमाडौं महानगरपालिका–१७ कालधारा डेरा गरी बस्ने ३० वर्षीय गोबिन्द ओलीकोकोठामा उनकै साथी उदयपुर गाईघाट घर भएका २७ वर्षीय बिनोद बिष्ट आइतबार मृत अवस्थामा फेला परेका छन् ।
यसैगरी काठमाडौं, चन्द्रागिरी नगरपालिका–१५ ढुंगेअड्डास्थित कटेजमा हाल नाम, थर, वतन नखुलेका अन्दाजी ४५ वर्षीय पुरूष आइतबार मृत अवस्थामा फेला परेका छन् ।
तीनै घटनाका सम्बन्धमा प्रहरीले अनुसन्धान प्रकृया सुरु गरेको जानकारी दिएको छ ।