काठमाडौं
११ कात्तिक । काठमाडौंको रानीबनबाट पेस्तोलसहित एक युवक पक्राउ परेका छन् ।
प्रहरीका अनुसार दैलेख भगवतीमाई गाउँपालिका–७ घर भई काठमाडौं महानगरपालिका–१६ रानिबन बस्ने २४ वर्षीय अनिल खड्कालाई शनिबार राती प्रहरीले पक्राउ गरेको हो ।
काठमाडौंको नागार्जुन नगरपालिका–१ रानिबनस्थित खाजा घरबाट पेस्तोल १ थान र खाली म्याग्जिन १ थान सहित उनी पक्राउ परेका थिए ।
अस्थायी प्रहरी बिट रानीबनबाट खटिएको प्रहरीले उनलाई पक्राउ गरेको हो । घटनाका सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।
प्रतिक्रिया