कोशीका निवर्तमान कानूनमन्त्री अधिकारी पक्राउ

२५ कात्तिक । कोशी प्रदेशका निवर्तमान आन्तरिक मामिला तथा कानूनमन्त्री लिलाबल्लभ अधिकारी पक्राउ परेका छन्। उनलाई आइतबार दिउँसो विराटनगरबाट काठमाडौं गई प्रहरी अनुसन्धानमा सहयोग गर्न प्रहरी कार्यालय लगिँदै गरेको बताइएको छ।

मुख्‍यमन्त्री कार्यालयबाट आएको विश्वसनीय स्रोतका अनुसार उनलाई आजै प्रहरी नियन्त्रणमा लिइएको हो। थप अनुसन्धानका लागि उनलाई आजै काठमाडौं पठाउने तयारी रहेको बताइएको छ। तर, मोरङ प्रहरीले भने उनी पक्राउ परिसकेको बारे कुनै प्रतिक्रिया दिएको छैन।

जापान काण्डमा मुछिएपछि अधिकारीलाई एमालेले मन्त्रीबाट राजीनामा गराउनुका साथै पार्टीका सबै जिम्मेवारीबाट निलम्बन गरेको थियो।