काठमाडौंको बाँसबारीमा मोटरसाइकल दुर्घटना, एक युवकको मृत्यु , तीन जना घाइते

काठमाडौं
काठमाडौंको बाँसबारी सडकमा मोटरसाइकल दुर्घटनामा एक युवकको मृत्य मृत्यु भएको छ भने तीन जना घाइते भएका छन् ।
प्रहरीका अनुसार काठमाडौं महानगरपालिका–३ बाँसवारीस्थित सडकमा बा.प्र–०२–०५० प ८३१२ नम्बरको मोटरसाइकल दुर्घटना हुँदा चालक बुढानिलकण्ठ नगरपालिका देउवाचोक बस्ने ३१ वर्षीय सुशान्त देउलाको मृत्यु भएको हो ।
दुर्घटनामा गम्भीर घाइते भएका उनको त्रिवि शिक्षण अस्पताल महाराजगंजमा उपचारको क्रममा मृत्यु भएको प्रहरीको भनाई छ । उक्त मोटरसाइकलले पैदलयात्रीलाई ठक्कर दिई अनियन्त्रित भई बा.प्र.०२–०४४–१८७८ नम्बरको मोटरसाइकललाई समेत ठक्कर दिई दुर्घटना भएको थियो ।
साथै दुर्घटनामा घाइते भएका दुवै मोटरसाइकलमा सवार २ जना र १ जना पैदलयात्रीको सोही अस्पतालमा उपचार भइरहेको छ ।
। प्रहरीले बा.प्र.०२–०४४–१८७८ नम्बरको मोटरसाइकल चालकलाई नियन्त्रणमा लिएर कानूनी प्रकृया सुरु गरेको बताएको छ ।