राजधानीको बाङ्गेमुढा र सिपाडोलमा एक एक जना मृत फेला

भक्तपुर
राजधानी काठमाडौंको बाङ्गेमुढा र सिपाडोलमा एक एक जना मृत फेला परेका छन् ।
प्रहरीका अनुसार सूर्यविनायक नगरपालिका–८ सिपाडोल भाइरल प्लानिङ बस्ने काभ्रे चौरी देउराली गाउँपालिका–६ घर भएका ३२ वर्षीय निमा तामाङ आफ्नै कोठामा मंगलबार मृत अवस्थामा फेला परेका हुन् ।
साथै काठमाडौं महानगरपालिका–२५ बाङ्गेमुढा डेरा गरी बस्ने ४५ वर्षीया पुनम गुरूङ आफ्नै कोठामा मंगलबार मृत अवस्थामा फेला परेकी छिन् ।
सबै घटनाका सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।