काठमाडौंको भत्केको पुल र फर्पिङमा आगलागी, लाखौंको क्षति

काठमाडौं
काठमाडौंको भत्केको पुल र फर्पिङमा आगलागीपछि लाखौंको क्षति भएको छ ।
प्रहरीका अनुसार काठमाडौंको दक्षिणकाली नगरपालिका–७ फर्पिङ बसपार्कस्थित मकवानपुर इन्द्रसरोबर गाउँपालिका–२ घर भएका प्रकाश तामाङको प्रकाश भोजनालयमा विद्युत सर्ट भई गए राति आगलागी हुँदा खाद्यान्न, भाँडावर्तन, फ्रिज, फर्निचरका लगायतका सरसामान जलेर करिब ४ लाख रूपैयाँ बराबरको धनमाल नष्ट भएको छ ।
यसैगरी काठमाडौं, महानगरपालिका–७ भत्केको पुल बुल्बुले मार्ग बस्ने कृष्ण बहादुर भण्डारीको घरको कम्पाउण्डमा रहेको टहरामा विद्युत सर्ट भई गए राति आगलागी हुँदाकरिब ५ लाख रूपैयाँ बराबरको धनमाल जलेर नष्ट भएको छ ।
घटनाहरुका सम्बन्धमा प्रहरीले अनुसन्धान गरिरहेको जानकारी दिएको छ ।