परीक्षा बिग्रिएपछि तीन छात्राले सेवन गरे विषः एक जनाको मृत्यु, दुईको उपचार हुँदै

१६ पुस । बर्दिवासमा परीक्षा बिग्रिएको भन्दै एक विद्यालयका तीन छात्राहरुले एकैसाथ विष सेवन गरेका छन् । विष सेवन गर्नेमध्ये एक जनाको मृत्यु भएको छ । मृत्यु हुनेमा धनगढी नगरपालिका १० घर भएकी १७ वर्षीया रिंकु शर्मा रहेकी छन् ।
बर्दिवास ११ स्थित निर्मल लामा बहुप्राविधिक शिक्षालयमा पढ्ने रिंकुसहित उषा पण्डित र सन्जु यादवले एकैसाथ विष सेवन गरेका थिए ।

शर्मालाई मंगलबार बिहान बर्दिवासस्थित इलाका प्रहरीले पौने १२ बजेतिर बर्दिवास ४ स्थित जंगली क्षेत्रबाट अचेत अवस्थामा उद्धार गरी बर्दिवास अस्पताल पु¥याएको थियो । रिङ्कु साथै विष सेवन गरेका उषा र सन्जुको बर्दिवासस्थित शुभ स्वस्तिक अस्पतालमा उपचार भइरहेको छ । दुवै छात्राको अवस्था सामान्य रहेको छ ।

उनीहरु तीनै जना जियोमेट्री (अमिन) विषयको प्रथम वर्षका छात्रा हुन् । रिङ्कुले टेस्ट परीक्षा बिग्रेको पीडामा विष सेवन गरेको र बाँकी दुई जनालाई करकापमा पारेर विष सेवन गर्न लगाएको प्रहरीले जनाएको छ ।