काठमाडौंको बुढानिलकण्ठमा करेन्ट लागेर एक मजदुरको मृत्यु

काठमाडौं
काठमाडौंको बुढानिलकण्ठमा एक मजदुरको आल्मोनियमको काम गर्ने क्रममा करेन्ट लागेर मृत्यु भएको छ ।
प्रहरीका अनुसार मोरङ घर भई काठमाडौं पेप्सिकोला बस्ने २७ वर्षीय रोसन माझीको बिहीबार दिउँसो करेन्ट लागेर मृत्यु भएको हो ।
काठमाडौंको बुढानिलकण्ठ नगरपालिका–१३ बस्ने नारायण चौलागाईको घरमा आल्मोनियमको काम गर्ने क्रममा करेन्ट लागेर उनको मृत्यु भएको हो ।
करेन्ट लागेर गम्भीर घाइते भएका उनको करूणा अस्पतालमा उपचारको क्रममा मृत्यु भएको प्रहरीले जानकारी दिएको छ हो ।
घटनाका सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।