काठमाडौं
सार्वजनिक भएको दुई दिनमै नेपाली चलचित्र ’एक्टरः टेक वन’को ट्रेलर नेपालको लागि युट्युब ट्रेन्डिङको शीर्ष स्थानमा पुगेको छ । यो समाचार तयार पार्दासम्म दर्शकको मन जित्दै यो ट्रेलर १५ लाख भ्युजसहित ट्रेन्डिङमा रहेको छ ।
गत शुक्रवार काठमाडौंमा एक समारोहको आयोजना गरी चलचित्रको ट्रेलर सार्वजनिक गरिएको थियो ।
राजन भुसालद्वारा निर्देशित यस चलचित्रमा आना शर्मा, दिव्या रायमाझी र राजबल्लभ कोइराला लगायत कलाकारहरूको अभिनय गरेका छन् ।
पछिल्लो पुस्ता अभिनेता प्रदिप खड्काको नयाँ चलचित्रको प्रतीक्षामा हुन्छन् । अभिनयमा बहुमुखी प्रतिभा देखाउन सक्ने खुबी भएका अभिनेता खड्को प्रेमतीत ३, पुजार साकी र प्रकाशजस्ता चलचित्रमा बक्स अफिसमा सफल भएका थिए । चलचित्रको ट्रेलर सार्वजनिक भएसँगै उनको अभिनयमा नयाँपन हुनसक्ने अनुमान गर्दै उनका प्रशंसकले पछ्याइरहेका छन् ।
चलचित्रको स्क्रिप्ट आकाश बराल र राजन भुसालले लेखेका हुन् । यस चलचित्रमा प्रदिप, आना, दिव्या, राजबल्लभका साथै दिव्य देव, सृजना अधिकारी, उषा रजक, सुशील सिटौलालगायतका कलाकारहरूको प्रमुख भूमिका रहेको छ ।
चलचित्रको छायाङ्कन नरेन्द्र मैनालीले गरेका हुन् भने सम्पादन निमेष श्रेष्ठले गरेका छन् ।
प्रतिक्रिया