ललितपुर
पछिल्लो समय एक पछि अर्को चलचित्र निर्माणको घोषणाको श्रृखला सुरु भएको छ ।
चलचित्र ‘घरज्वाइँ’ को निर्माण समूहले नयाँ सिनेमा ‘मितज्यू’ को निर्माण गर्ने घोषणा गरेको छ ।
चलचित्र थिम पोस्टर सार्वजनिक यस समूहले चलचित्र निर्माणको जानकारी दिइएको हो ।
जिएम मूभिज प्रोडक्सन र एबीएम सिने प्रोडक्सनको ब्यानरमा निर्माण हुन लागेको यस सिनेमाको निर्माण जनक घर्ती मगरले रहनेछ भने निर्देशन अनिल बुढा मगरले गर्नेछन् ।
चलचित्रको घोषणासँगै कलाकार र निर्माण युनिटको विषयमा केही जानकारी दिइएको छैन ।
‘मितज्यू’ मा को–को कलाकार रहने भन्ने खुलाइएको छैन । चलचित्रको कथाबस्तुलाई थप कौतुहल बनाउन पेन्टिङ पोस्टरमा सार्वजनिक गरिएको छ ।
पेस्टरमा चलचित्रको दुई पात्रलाई भ्यानको अगाडि उभिएका छन् । भ्यानमाथि खसी र खसीको टाउकोमा कुखुराको भाले राखेर चलचित्रको विषयबस्तु रोचक रहेको संकेत दिइएको छ।
चलचित्र ‘मितज्यू’ एक वर्षपछि नयाँ बर्षको छेको पारेर २०८२ को चैत २७ गते प्रदर्शनमा आउनेछ ।
महेश राईको लेखनमा तयार हुन लागेको यस चलचित्रका प्रोडक्सन कन्ट्रोलर धनबहादुर राई रहेका छन् । नोभिस आट्र्सले डिजाइन गरेको पोस्टरको पेन्टिङ पुष्प आले मगरले गरेका हुन् ।
नेपालमा ‘मितज्यू’ लाई आरआर फिल्मस्ले वितरण गर्नेछ ।
प्रतिक्रिया