काठमाडौं
आज चलचित्र ‘अभिमन्यु’ निर्माणको घोषणा गरिएको छ । चलचित्र निर्माणमा सुपरहिट ‘पूर्ण बहादुरको सारङ्गी’का निर्माता विनोद पौडेलले लगानी गर्ने भएका छन् ।
आइतबार एक थिम पोस्टर सार्वजनिक गर्दै उनले चलचित्रको साउन २४ गते प्रर्दशन गर्ने घोषणा गरेका हुन् ।
चलचित्र हिन्दी र नेपाली भाषामा निर्माण गरेर संसारभर प्रर्दशन गर्ने निर्माण पक्षको भनाई छ ।
पोस्टरमा पैसा उडिरहेको दृश्य रहेकोले पैसाकै प्रलोभनको विषयबस्तु रहेको अनुमान गर्न सकिन्छ । दर्शकको रुचि रहेको विषयबस्तु पैसा र सुनको विषयबस्तुमा पछिल्लो समय चलचित्र निर्माण गर्ने लहर नै चलेको छ ।
सेभेन सिज सिनेमाको प्रस्तुति रहने यस चलचित्र ‘चक्रव्यूह’लाई सुशान्त गौतमले निर्देशन गर्ने छन् । मुकेश खनालले कथा लेखेका छन् । चलचित्रको क्रियटिभ निर्देशक मदन थापा रहेका छन् ।
चलचित्रका निर्माता विनोद पौडेल र गुञ्जन गिरी हुन् । सह–निर्मातामा रमेश चौलागाइ र हरि श्रेष्ठ रहेका छन् । निर्माण पक्षले कलाकारहरुको नाम अहिलेसम्म सार्वजनिक गरेको छैन ।
प्रतिक्रिया