गायिका इन्दिरा हक्की, कालीप्रसाद कालो निलो

ललितखबर
नेपाली संगीत बजारमा सधै चर्चामा रहने गायिका इन्दिरा जोशी र संगीतकार कालीप्रसाद बासकोटा राजधानीमा आयोजित नेपाल आइडलको घोषणा सभामा देखिए । आइडलको जर्ज समेत रहेकी गायिका जोशी कार्यक्रमको सुरुआतमै पहेलो साडीमा सझिएर आगेकी थिइन् । संगीतकार ढिला पुगे । लगत्तै बोल्न स्टेज चढे ।
सार्वजनिक कार्यक्रममा उपस्थित भएर सधैं बोल्ने संगीतकार बास्कोटा स्टेजमा राम्रो बोल्नै सकेनन् । अनुहार कालो निलो पारे । सम्बोधन गरेपछि थोरै बोले । अड्किएर अनि स्टेजबाट ओर्लिए ।
शुभारम्भ कार्यक्रमपछि पत्रकारहरुसँग साक्षत्कार कार्यक्रम थियो । प्रश्नको उत्तर दिन तम्सिएका संगीतकार बास्कोटा फेरि नर्भस देखिए । उनले उत्तर नदिन नसकेपछि गायिका इन्दिराले माइक तानिन् । अनि कुटनीतिक जवाफ दिइन् ।
हक्की स्वभावकी गायिका इन्दिरा जोशी सार्वजनिक कार्यक्रममा तर्कसंगत कुरा सुनाउछिन् । प्रश्नोत्तरमा पनि उत्तिकै खरो उत्रिन्छिन् । सार्वजनिक कार्यक्रममा उनका उपस्थिती दरिलोे देखिन्छ ।
हुन त संगीतकार बास्कोटाको आनीबानी त्यस्तो होइन । उनी सधै सार्वजनिक मञ्चमा बोलेको देखिन्छ । राम्रै बोल्छन् । नेपाल आइडलको मञ्चमा पनि उनको प्रस्तुती दरिलो नै थियो । मिठो संगीत श्रृजना गर्न माहिर कालीप्रसादको जोस चाँही कहाँ गयो होला ?