काठमाडौ
युवाहरुबीच चर्चित गायक दुर्गेश थापाले चलचित्र ‘कर्मा’को शिर्षगीत गाएका छन् ।
आइतबार राजधानीमा एक औपचारिक कार्यक्रमकाबीच सो गीत सार्वजनिक गरिएको छ ।
शब्द तथा संगीत र एरेन्ज समेत गायक दुर्गेशकै रहेको यस गीतमा असलका लागि असल र खराबका लागि खराब रहेको सन्देश दिइएको छ ।
यो गीतमा ब्याकग्राउन्ड भोकल आरसी रिमाल र भुषण खतिवडाको छ ।
गीतको भिडियोमा चलचित्रका मुख्य विपीन कार्की, मुकुन भुसाल, उपासना सिंह ठकुरीलगायत देखिएका छन् ।
पछिल्लो समय सार्वजनिक भएको चलचित्र ‘कर्मा’को ट्रेलर नेपालसहति कतार, कोरिया र जापानमा पनि युट्युब ट्रेन्डिङमा परेको छ ।
चलचित्र ‘कर्मा’मा विपीन कार्की, उपासना सिंह ठकुरी, मुकुन भुसाल, सरिता गिरी, दिब्यदेब, बेन बस्नेत, सुज्यान सिलवाल, अनिल बुढाथोकी, निर्मल शर्मालागायतको अभिनय रहेको छ ।
नयाँ वर्ष २०८२ को छेको पारेर यो चलचित्र ‘कर्मा’ नेपाललगायत संसारभरका चलचित्र भवनहरुमा चैत २९ गते प्रर्दशन हुँदैछ ।
आर्टिस्टिक इनटरटेनमेन्टको प्रस्तुति रहने ‘कर्मा’मा वसन्त लम्सालको लगानी रहेको छ ।
प्रतिक्रिया