अभिनेता रमेश उप्रेती लामो समयपछि चलचित्र क्षेत्रमा, ‘महाराजधिराज’ अनुबन्ध

काठमाडौं
लामो समयदेखि चलचित्र क्षेत्र बाहिर रहेको अभिनेता रमेश उप्रेती ‘महाराजधिराज’मार्फत चलचित्रमा फर्कने भएका छन् ।

चलचित्र ‘महाराजधिराज’मा अभिनेता रमेश उप्रेती अनुबन्ध भएका हुन् । रमेश मुख्यमध्ये एक भूमिकामा अनुबन्ध भएका छन् ।

चलचित्र ‘ऐश्वर्य’पछि उनी फेरि चलचित्रमा देखिन लागेका हुन् । केही गीतका भिडियोमा भने रमेश देखिएका थिए । ‘महाराजधिराज’लाई परिच्छेद सेनले निर्देशन गर्दैछन् ।

अभिनेता उप्रतीसँगै अभिनेता पल शाह यस चलचित्रमा अभिनय गर्दैछन् । यस चलचित्रको पोस्टर समेत सार्वजनिक भइसकेको छ । शाहको वस्त्रविहीन पोस्टर सार्वजनिक भएसँगै विभिन्न कोणबाट टिप्पणी भएको थियो ।

निर्देशक सेनको लेखन रहेको यस चलचित्र विराज बिष्टले निर्माण गर्दैछन् ।