काठमाडौं
दर्ता नै नभएको युट्युब च्यानलमार्फत विवादास्पद रिर्पोट सार्वजनिक गरेको आरोपमा पत्रकार दिलभूषण पाठकविरूद्ध पक्राउ पुर्जी जारी गरिएको छ ।
साइबर ब्युरोले काठमाडौं जिल्ला अदालतबाट पक्राउ अनुमति लिएको प्रहरी प्रधान कार्यालयले बताएको छ ।
सो रिपोर्टको विषयमा उजुरी परेपछि उनीविरूद्ध ब्युरोले पुर्जी जारी भएको हो ।
तीन साता अघि ‘टफ टक विथ दिलभूषण पाठक’ नामको युट्युब च्यानलमार्फत पाँच तारे हिलटन होटल र कांग्रेस सभापति शेरबहादुर देउवाका छोरा जयवीरले खरिल गरेकोबारे भिडिओ रिपोर्ट सार्वजनिक भएको थियो ।
उनीविरूद्ध विद्युतीय कारोबार ऐन २०६३ अन्तर्गतको कसुरमा पक्राउ पुर्जी जारी भएको बताइएको छ ।
साइबर ब्युरोले भने यसबारे अहिलेसम्म केही बताएको छैन।
लामो समयसम्म कान्तिपुर टेलिभिजनमा काम गरेका उनी केही समयअघि राजिनामा दिएका थिए ।
प्रतिक्रिया