‘दुश्मन हेरेको हेरै’ गीतलाई प्रधानमन्त्रीको ओलीको बधाई

पछिल्लो समय ‘दुश्मन हेरेको हेरै’ गीतले १० करोड दर्शकको साथ पाएपछि सर्जक दुर्गेश थापालाई प्रधानमन्त्री केपी ओलीले बधाई दिएका छन् ।

गायक तथा प्रर्फमर दुर्गेश थापाको श्रृजना ‘दुश्मन हेरेको हेरै’ ले ५ महिना अघि युट्युबमा सार्वजनिक भएको भिडियोले १० करोड भ्यूज पाएको छ ।

प्रधानमन्त्री ओलीले सामाजिक संजालमा लेख्दै भनेका छन्,‘आजको नयाँ पिँढीले बेग्लै स्वादका गीत–संगीतमा रुचि देखाउन थालेको ‘दुश्मन हेरेको हेर्यै’ गीतको भ्यूबाट थाहा हुन्छ । दुर्गेश थापाको यो गीत सुन्नेको संख्या पाँच महिनामा १० करोड पुगेको छ । गीतका सर्जक दुर्गेश थापालाई बधाई छ ।’

प्रधानमन्त्रीको बधाई दिएसँगै गायक थापा पनि प्रतिउत्तर लेखेका छन्, उनले भनेका छन्–‘नयाँ पुस्ताको सिर्जना, अभिव्यक्ति र परिश्रमप्रति देशकै सम्माननीय प्रधानमन्त्रीज्युले देखाउनु भएको चासो, संवेदना र सम्मानले मलाई असाध्यै भावुक तुल्याएको छ । देशको प्रधानमन्त्रीज्युले नेपाली गीत–संगीतको मूल्य र संभावना चिन्नु भएको यो क्षण सम्पूर्ण सिर्जनशिल पुस्ताका लागि गर्वको विषय पक्कै हो । उहाँको शब्द केवल एउटा बधाई मात्र थिएन, त्यो नयाँ सोच, नयाँ उर्जा र नयाँ आशाको सम्बोधन थियो । म प्रधानमन्त्रीज्यूप्रतिको हार्दिक कृतज्ञता प्रकट गर्दछु ।’

गीत ‘दुश्मन हेरेको हेरै’ बाट प्रधानमन्त्री प्रभावित भएको ब’झ्न कठीन पर्दैन ।