सेफ्टीट्याङ्कीमा डुबेर दुई जना बालबालिकाको मृत्यु

ट्वाइलेटको सेफ्टीट्याङ्कीमा डुबेर दुई बालबालिकाको निधन भएको छ ।
चन्द्रपुरको चन्द्रपुर नगरपालिका १० बिनुवाटोलमा सेफ्टीट्याङ्कीमा डुबेपछि उनीहरुको निधन भएको हो ।

इलाका प्रहरी कार्यालय चन्द्रनिगाहपुरका प्रहरी नायब उपरिक्षक राजकुमार राईका अनुसार गए राति चन्द्रपुर–१० बिनुवाटोलका दुई वर्षीय रन्जे साह र सोही गाउँकी दुई वर्षीया खुश्बु साहको डुबेर मृत्यु भएको हो ।
मङ्गलबार साँझ दुवै बालबालिका स्थानीय ह्दय पासवानको घरमा खेल्नेक्रममा ट्वाइलेटको सेफ्टीट्याङ्कीमा डुबेका थिए । दुवै बालबालिकाको चन्द्रनिगाहपुर अस्पतालमा उपचारका क्रममा मृत्यु भएको हो ।