तीजमा छाडा गीत गाउने राजकुमार ओलीले गरे दर्शक श्रोताको आलोचना

काठमाडौं
तीजको पुर्वसन्ध्यामा छाडा गीतको सार्वजनिक हुने क्रम बढ्ने गरेको छ । पछिल्लो समय यस्तै एउटा छाडा गीतले बजार तताइरहेको छ ।

गायिका सल्ला धमला र राजकुमार ओली र अस्मिता थापाको स्वरमा सार्वजनिक गीतको शव्द र भिडियोलाई लिएर दर्शक श्रोताले आलोचना गरिरहेका छन् । तर सर्जक ओलीले उल्दै दर्शक श्रोताको आलोचना गर्दै सामाजिक सञ्जालमार्फत सिकाएका छन् ।
गीतमा ‘मसँग गन छ पड्काउने मन छ’ र ‘राँगाले भैसीलाई, गोरुले गाईलाई गरे झैं माया गर न मलाई’ जस्ता शव्दलाई दिएर सामाजिक सञ्जालमा आलोचना भइरहेको छ ।
गीतमा मोडल समेत रहेका सल्ला धमला र राजकुमार ओलीको उत्तेजक नृत्यलाई लिएर आपत्ती जनाइएको छ ।
तीजजस्तो पवित्र धार्मिक पर्वमा छाडा र उत्तेजक गीत सार्वजनिक गरिएको भन्दै प्रतिबन्ध लगाउनु पर्ने आवाज उठेको छ ।
गीतलाई लिएर नकारात्मक प्रतिकृया आएपछि सर्जक ओलीले गीत आफूले नविगारेको तर्क गर्दै उल्दै आलोचना गरेका छन् । दर्शक श्रोता तीजको गीत बजाएर पार्टी प्यालेसमा गएर नाच्न थालेकोले त्यही दिनदेखि नेपाली तीजको गीत बिग्रीसकेको बताएका छन् । उनले नेपाली समाजमा श्रीमान र श्रीमती मिलेर बुढी आमालाई वृद्धाश्रममा छोडेर पार्टी प्यालेसमा गएर नाच्ने, दर भन्दै दारु खाने, मादल र बाँसुरी बजाएर नाच्नुपर्ने ठाउँमा देग बजार नाच्ने, व्रत बसेको दिन घाम न डुब्दै खाना खाने गरेको भन्दै आलोचना गरेका छन् ।

उनले नेपाली गीत संगीतमा केही हुँदैन भनेर विदेश हिँडेको गरेको तर नेपाली गीत केही गर्नुपर्छ भनेर लागिरहेको आफूहरुलाई संस्कार र संस्कृति सिकाएको भन्दै कडा शव्दमा सामाजिक सञ्जालमा दर्शक श्रोताकै आलोचना गर्दै लेखेका छन्, ‘मान्छेहरूको बुद्धि दिमाग त्यही राँगा र भैँसीको जतिको पनि छैन ।’

ओलीको शव्द र कम्पोज रहेको गीतको प्रोगामिङ र मास्टरिङ कुमार सानु पुनले गरेका छन् ।