चलचित्र ‘अभिमन्युको पोस्टरमा कौतुहल बढाउने ‘कारागार’को तस्विर

काठमाडौं
चलचित्रको प्रचारका लागि निर्माण पक्षले विभिन्न प्रचार सामाग्री सार्वजनिक हुन्छन् । कतिपय चलचित्रकर्मीले अनेकौं फण्डा निकालेर चलचित्रको प्रचार गर्न भ्याइरहेका हुन्छन् ।

यही भदौ २७ गते देशभर प्रर्दशनको तयारीमा रहेको चलचित्र ‘अभिमन्यु : च्याप्टर १’ले भने दर्शकलाई कौतुहल बढाउने पोस्टर सार्वजनिक गरिरहेको छ ।

निर्माण पक्षले चलचित्रको निरन्तर पोस्टर निकालिरहेको छ । पोस्टरमा पात्रैसँगै जिल्ला कारागार मोरङको तस्विर राखिएको पाइन्छ । जिल्ला कारागारको दृश्य टिजरमा पनि देख्न सकिन्छ । निर्माण पक्षले सो कारागठारबारे थप केही बताएको छैन ।
हरेक पोस्टरमा कारागारको तस्विर किन राखिएको होला भन्ने कौतुहलसँगै चलचित्रको कथावस्तुबारे अड्कलबाजी गर्न थालिएको छ । कारागारको पोस्टरले चलचित्र क्राइम विधालाई प्रधानता दिइएको हुनसक्छ ।

भर्खरै सार्वजनिक गरिएको पोस्टरमा कामेश्वर चौरसियासँगै कलाकार शिशिर वाङदेल, प्रकाश दाहाल, गौमाया गुरुङ, लक्ष्मी बर्देबा र सरिता गिरी छन् ।

यो पोस्टरमा पनि जिल्ला कारागार मोरङ छुटेको छैन । चलचित्रमा कामेश्वर चौरासिया, सरिता गिरी, गौमाया गुरुङ, लक्ष्मी बर्देबा, शिशिर वाङ्देल, किरण श्रेष्ठ, प्रकाश दाहाल, सुष्मा निरौला छन् ।

चलचित्र ‘अभिमन्यु : च्याप्टर–१’ भदौ २७ गते संसारभर प्रर्दशनको तयारीमा छ । चलचित्र हिन्दी भर्सनसहित वल्र्डवाइड प्रर्दशन गर्ने निर्माण पक्षको तयारी छ । चलचित्रको डेब्यु निर्देशक सुशान्त गौतमले निर्देशन गरेका छन् भने निर्माता विनोद पौडेल र गुञ्जन गिरी हुन् । रमेश चौलागाई र हरि श्रेष्ठ सह–निर्माता रहेको चलचित्रका कार्यकारी निर्मातामा विशाल लामा, हरि मोक्तान, कृष्ण भट्टराई, नीराजन लुइँटेल र सन्देश श्रेष्ठ रहेका छन् ।