‘वरिष्ठ बलराम’मा विजय बरालको सुन्दर नृत्य

काठमाडौं
सधै सहायक भूमिकामा देखिने अभिनेता विजय बराल ‘पूर्ण बहादुरको सारंगी’ ब्लकबस्टर सावित भएपछि हिरोको रुपमा रजतपटमा स्थापित भए । उनी एक पछि अर्को चलचित्रमा आफूलाई प्रमाणित गर्नुपर्ने चुनौतीको ठाँउमा छन्, अहिले ।
उनले अभिनय गरेको पछिल्लो चलचित्र जनै हराएको बाहुनमा पनि तुलनात्मक रुपमा राम्रै काम गरे ।
तिहारको भाइटिकामा प्रर्दशनको तयारीमा रहेको चलचित्र चलचित्र ‘वरिष्ठ बलराम’मा अभिनेता बराल अभिनेत्री समृद्धि अर्यालसँग ‘मिठो’ले नृत्य गरेका छन् ।
‘न्यौली बनैमा’ बोलको गीत अभिनेता बरालले हलुँगो पाराले कम्मर कर्माएका छन् भने अभिनेत्री अर्यालसँग लय मिलेको (केमेष्ट्रि) देखिन्छ ।
गीतमा प्रशान्त शिवाकोटीको शब्दरचना छ । संगीत पनि प्रशान्तकै छ । स्वर प्रशान्त र शान्तीश्री परियारको छ ।

प्रेमिल गीतमा एकअर्कालाई मन पराउने युगल जोडीको कथा छ

‘वरिष्ठ बलराम’लाई सुरेन्द्र पौडेलले निर्देशन गरेको चलचित्रको पटकथा महेश दवाडीले लेखेका हुन् ।
। ‘वरिष्ठ बलराम’मा दयाहाङ राई, विजय बराल, समृद्धि अर्याल, पशुपति राई, माओत्से गुरुङल, भोलाराज सापकोटा, रामबाबु रेग्मी, प्रदीप कुमार चौधरी (पीके) लगायत कलाकारको अभिनय छ ।

वृषभ सिद्धी इन्टरटेनमेन्टको प्रस्तुतिमा आन्भी फिल्मसको सहकार्य रहेको चलचित्रमा आशिष एच तामाङ र श्रीराज कार्की निर्माता छन् ।

सामाजिक कथावस्तुमा आधारित ‘वरिष्ठ बलराम’को छायांकन चितवनका विभिन्न स्थानमा गरिएको हो । प्रशान्त शिवाकोटीको संगीत, सम्राट बस्नेतको एक्सन निर्देशन, प्रदीप लामाको नृत्य निर्देशन छ ।