अभिनेता विराज भट्टको चलचित्र ‘राम नाम सत्य’ छायांकन सुरु

अभिनेता विराज भट्टको अभिनय रहेको निर्देशक माइकल चन्दको महत्वाकाँक्षी चलचित्र ‘राम नाम सत्य’ चितवनबाट छायांकन सुरु भएको छ ।

पूर्वी चितवनको रत्ननगरबाट सुरु गरिएको चलचित्रको झण्डै ८० प्रतिशत छायांकन यहाँ गर्ने निर्माण पक्षको योजना छ । चलचित्रको छायाँकन मुस्ताङमा हुनेछ ।

चितवनका प्रहरी प्रमुख एसपी गोविन्द पुरीले रत्ननगर जिरौनास्थित धर्मधाम कृष्ण मन्दिरबाट छायांकनको शुभारम्भ गरेका थिए ।
चलचित्रमा विराज भट्ट, सुशील श्रेष्ठ, आयुषसिंह ठकुरी, सुपुष्पा भट्ट, दिव्या रायमाझी, आशा पौडेल, खुशी कार्की, सुनिल थापा, प्रशान्त ताम्राकार, कनिज कोइराला, रवि गिरी, दिनेश डीसी लगायतका कलाकारहरुको अभिनय रहनेछ ।
साथै, चलचित्रमा राजेन्द्र आचार्य, अर्जुन सुनार, रामेश्वर शाह, पुजन लामिछानेको विशेष भूमिका रहनेछ ।
उपेन्द्र शाही र स्वेता बिमली निर्माता रहेको चलचित्रमा किशोर भट्ट र राजेन्द्र भट्ट कार्यकारी निर्माताको रुपमा छन् । मोती कार्की क्रियटिभ निर्माताको रुपमा रहेको चलचित्रमा मानकृष्ण महर्जनको डीओपी, श्री श्रेष्ठको एक्सन निर्देशन, अर्जुन पोखरेल, एसडी योगी, विमल गिरी र नवाज अन्सारीको संगीत छ । विजय बस्यालको पब्लिसिटी डिजाइन रहेको चलचित्रमा विदुषी थापाको प्रोडक्सन डिजाइन रहेको छ ।
एक्सन, सस्पेन्स र प्रेमको जनरामा यो चलचित्र निर्माण गरिनेछ । यो चलचित्र यही वर्षको चैत्र २७ गतेबाट प्रर्दशन गर्ने तयारी गरिएको छ ।