काठमाडौं । नेकपा एमालेको ११औं महाधिवेशनअन्तर्गत नयाँ नेतृत्व चयनका लागि आज मतदान हुँदै छ । आज बेलुकी ७ बजेदेखि मतदान सुरु हुने एमाले निर्वाचन आयोग अध्यक्ष विजय सुब्बाले जानकारी दिए ।
मतदानका लागि भृकुटीमण्डपमा बनाइएको निर्वाचन केन्द्रमा विद्युतीय मेसिन जडान गरेर बुथ तयार गरिसकिएको छ ।
एक जना मतदातालाई मतदान गर्न कम्तीमा २५ देखि ३० मिनेट लाग्ने अनुमान छ । निर्वाचनमा कुल २ हजार २६३ प्रतिनिधि सहभागी हुँदैछन् ।
केन्द्रीय निर्वाचन आयोगले मंगलबार मध्याह्न १२ बजेदेखि मतदानको समय तोकेको थियो । तर उम्मेदवारको अन्तिम सूची तयार नहुँदा प्राविधिक प्रक्रिया मिलाउन समय लागेको हो ।
प्रतिक्रिया