काठमाडौंको बौद्धमा करोडौंको सुन लुटेपछि गोली प्रहार गरेर समातियो अभियुद्ध

काठमाडौँ

काठमाडौंको बौद्धमा करोडौंको सुन लुटेपछि गोली प्रहार गरेर अभियुद्ध प्रहरीले समातेको छ ।

काठमाडौँको बौद्धका रिन्जी लामाको घरबाट मङ्गलबार रु एक करोड चार लाख ५३ हजार बराबरका सुनका गहना चोरेर फरार भएका अभियुक्तलाई प्रहरीले गोली प्रहार गरी नियन्त्रणमा लिएको हो ।

प्रहरीले गए राति नागार्जुन नगरपालिका ६ बाट बाँकेका प्रेम चौधरीलाई गोली हानेर पक्राउ गरेको हो । निजका साथबाट ६५ तोला सुनसमेत बरामद गरिएको प्रहरी वरिष्ठ उपरीक्षक रमेश थापाले बताएका छन् ।

वरिष्ठ उपरीक्षक थापाका अनुसार प्रहरीमाथि खुकुरी प्रहार गरेपछि बाध्य भएर प्रहरीले गोली प्रहार गरेको थियो । अभियुक्तको खुट्टामा गोली लागेको छ । हाल निजको ट्रमा सेन्टरमा उपचार भइरहेको छ । एक जना प्रहरी पनि घाइते भएका छन् ।