काठमाडौं
नेपाली चलचित्रमा यौनकर्मीको कथाव्यथा विरलै समेटिएको पाइन्छ । समाजमा लुकाइएको यौन जीवनको छुट्दै कथा बोकेको चलचित्र ‘लालिमा’को टिजर भर्खरै सार्वजनिक भएको छ ।
फागुन २९ गते प्रदर्शन मिति तोकिएको यस चलचित्रको टिजरमा रोशनी कार्की एकल फिचर्ड छन् । टिजरमा फिल्मकी शीर्ष नायिका उनी कोठाभित्र मानसिक समस्यामा परेर छट्पटाइरहेको दृश्य उक्त टिजरमा देख्न सकिन्छ । टिजरमा चलचित्रको कथा सस्पेन्स राखिएको छ ।
‘लालिमा’का लेखक तथा निर्देशक रोशन मिराजका अनुसार यो चलचित्र तीन हजार यौनकर्मीको अनुभवमा आधारित घटनामा बनेको हो ।
चलचित्रमा रोशनीसहित नायकहरु शिशिर वाङ्देल, जीनव भट्टराई, नायिका उषा रजक र सुष्मा निरौलालगायतको अभिनय रहेको छ । फेथ आस्थाले निर्माण गरेको यस चलचित्रको कार्यकारी निर्माता रीना लामा हुन् ।
प्रतिक्रिया